Að stinga hausnum í sandinn...

Ég ætla ekki að efast um að hraðakstur eigi sinn þátt í þessu slysi, en mig langar endilega að benda á að lítið er minnst á reynsluleysi ökumanns.  Hér er barn með 3ja daga gamalt ökuskírteini að fara fram úr sér og veldur ekki aðstæðum.

Mig langar að benda á að ökukennsla á Íslandi er ekki merkilegur skóli, ef þú lærir að sumri þá eru dæmd/ur til að vera í stórhættu þegar hálkan kemur.  Þú lærir ekki hvernig á að bregðast við ef þú missir stjórn á bílnum, mesta lagi að þú fáir að nauðhemla nokkrum sinnum, og þá á lítilli ferð.

En svo gerast hlutirnir, við keyrum of hratt, eitthvað hrekur okkur í ógöngur og ýmislegt gerist sem börnin okkar eru ekki búin að læra.

Bíll er drápsvopn, rétt eins og byssa, samt er ökukennsla miðuð við að bíll sé aðeins farartæki.  Þannig gæti kennsla á skotvopn verið sú að þekkja hvaða fuglar séu góðir í matinn, annað sé aukaatriði.

Eftir að hafa ekið bíl í áratugi og þar á meðal rallýbíl á mikilli ferð veit ég að bíllinn er of skemmtilegt leifang til að við getum stungið hausnum í sandinn og ætlast til þess að allir hagi sér rétt, það mun bara ekki gerast, svo einfalt er það.  Við getum hins vagar litið á vandamálið og velt fyrir okkur, hverju getum við breytt?

Ég er á þeirri skoðun að allir sem eru að taka bílpróf eigi að keyra t.d nokkra hringi á rallýkrossbrautinni, í þeim tilgangi einum að láta óreynda ökumenn missa stjórn á bíl, finna hvernig það er að missa bílinn, keyra út af, vera ekki lengur við stjórnvölinn.

Ég ætla ekki að verja þennan unga ökumann, það er ekki hægt.  En, ég vil benda á að það er tvennt sem hefði geta afstýrt þessu, minni hraði er annað og hitt er reyndari ökumaður.

Hraðakstur olli slysinu

Athugasemdir

[Jón Óskarsson, 6.7.2011 kl. 10:18]

Góð hugmynd þetta með að láta þá sem eru að læra á bíl keyra í rallýkrossbrautum og prófa viðbrögð við því að missa stjórn. 

Hraði einn og sér er ekki aðalástæða slysa, þó slys verði að sjálfsögðu því alvarlegri sem hraðinn er meiri, en það er allt annað mál.  Aldur ökumanna sem fá bílpróf er heldur ekki vandamál. Reynsluleysið er oftar meiri sökudólgur sem og hinn séríslenski þjösnagangur í umferðinni og tillitsleysi. 

Ég kenni lélegri ökukennslu um.  Það er oft verið að kenna við bestu mögulegu veður- og akstursskilyrði.  Það er kennt á algjörum lágmarkshraða.  Og augljóslega ekki verið að kenna á ýmsar séraðstæður sem er að finna á götum og þjóðvegum landsins.   Margt hefur samt lagast í þessum málum síðustu árin og áratugina, en betur má ef duga skal.